Gagauziya M. Maruneviç adına Bilim-aaraştırma merkezindä tanıtıldı eni üüretim-metodika kiyadı – Gagauz dilindä 2 klaslara deyni testlär. Testleri hazırladı başlankı klaslarda üüredici Tatyana Georgievna Mitioglo, angısı, koyup kendi görgüsünü hem bilgilerini, kurabildi efektiv bir instrument küçük klaslarda uşakların ana dili üürenmesi için. Testlär için tekstleri yarattı Gagauziya BAM zaametçileri Aleksandra Afanasyevna Kristova hem Pötr Afanasyeviç Çebotar.

Kiyadın tiparlanmasını finansladı Gagauz dilini kurtarmak fondu.

Testlär vereceklär kolaylık hem üüredicilerä, hem üürenicilerä sistemaya koymaa bilgileri, oluşturmaa dil sınaşmaklarını, meraklandıraceklar küçük yaştan gagauz dilini üürenmää.

Bu proekt önemni bir adımdır, ki korumaa hem yaygınnamaa gagauz dilini genç evlat boyların arasında.