Büün, oktäbrinin 7-dä, M. V. Maruneviçin adına Bilim-aaraştırma merkezinin uzmannarı bilim insanını, türkologu, gagauz filologiya profesorunu Pokrovskaya Lülmila Aleksandrovnayı saygıylan andırdılar.

Merkez çalışannarı onun gagauz dili hem kultura uurunda çalışma hem koruma yaptıklarına önemni katilmasını urguladılar. Belli ettilär onun paasız rolünü gençlerin terbietmesindä hem halk mirasının populärizaţiyasında. Bu gün hepsinä verdi kolaylık hatır göstermää onun hatırına hem karar almaa onun işlerinin ilerlemesinä büünkü kontekstä görä. Biz pek şükürüz ona, ani yaşamasını kurban gibi verdi bu büük işä, biz dä herzaman büük saygılarlan anacez onu.