Gavril Arkadyeviç Ggaydarcı – gagauz halkının oolu / Сын гагаузского народа – Гавриил Аркадиевич Гайдаржи

Gavril Arkadyeviç Gaydarcı duudu ceviz ayın 14-dä 1937 yılda Kırbaalı küüyündä çok uşaklı ayledä. Ana küüyündä o bitirdi edi klas. Nicä dä çoyu o zor vakıtlarda, şkoladan sora gitti işlemää kolhoza. Onaltı yaşında Gavril Gaydarcı gitti üürenmää Tiraspol kasabasına pedagogika uçilişçesinä. 1957 yılda olȇr Kişinöv devlet universitetindä istoriya-fakultetinin studenti. Hep o vakıtlar başladı zanaatlanmaa gagauz folklorunnan: topladı halk masallarını, türkülerini, söleyişlerini, bilmeycelerini. Pay alıp ekspediţiyalarda, topladı çok dil hem etnografiya materialını da.

1969 yılda Gavril Arkadyeviç girdi üürenmää Sovet Birlii Bilim Akademiyasının Dil bilimi İnstitutunun aspiranturasına. Çok yıl o işledi rus dili kafedrasının başı Belţtä.
Gavril Arkadyeviç Gaydarcı pek sevärdi ana dilini. Taa küçüktän, bulunup insan arasında, sesirgenärmiş halkın sözünä dä, işidip bir meraklı annatma ya da gözäl söleyiş gagauz dilindä, yazarmış onnarı ayırı bir tefterä. O çok zaamet koydu gagauz dili ilerlesin, çok çalıştı çıkarmaa sözlük, üürenmäk hem metodika kiyatlarını gagauz dilindä hem gagauz dili için.

Kendi yaşamasında o yazdı pek çok bilim statya, angıları baalıydılar gagauz dilinin problemalarınnan. Tipardan çıktı onun iki monografiyası “Гагаузский синтаксис. Придаточные предложения союзного подчинения” hem “Гагаузский синтаксис. Относительное и бессоюзное подчинение придаточных”.
Gavril Arkadyeviç Gaydarcı beenärdi yaşamayı, annadardı onu herbir yaratmasında, inanardı sonsuz yaşamaya bu Toprakta. Bu insanın katkısını gagauz halkının diil material kultura mirasın korunmasına hem zamandaş gagauz dilinin hem literaturasının ilerlemesinä pek sayȇrlar gelän evlad boyları. Sayȇrlar onun hatırını. Ona verildi nışan “Gagauziyanın saygılı Vatandaşı”. Komratta teoretik liţeyi onun adını taşıyȇr. Komratta Şan Aleyasında anılmış bilim adamına, aaraştırmacıya, yazıcıya hem büük insana konuldu büst. Onun işlerini anmaa deyni Gagauziya M.V. Maruneviç adına Bilim-aaraştırma merkezi tipardan çıkardı “Gagauzologiya XIX-XXI asirlerdä” seriyasından iki kiyat, angılarında yazdırılı onun biografiyası, bilimcinin yaşamak hem yaratmak yolu hem veriler tiparlanmayan işlerin hem dokumentlerin parçaları.
Büün gagauz halkının oolu – Gavril Arkadyeviç Gaydarcı olaceydı seksän dört yaşında.

Гаврил Аркадиевич Гайдаржи родился 14 сентября 1937 года в селе Карболия, в многодетной семье. В родном селе окончил семь классов. Как многие в те годы, сразу после школы, пошел работать в колхоз. В шестнадцать лет он едет учиться в педагогическое училище города Тирасполь. В 1957 году он поступает в Кишиневский государственный университет на историко-филологический факультет. В тоже время начинает профессионально заниматься изучением гагаузского фольклора: собирает народные сказки, песни, пословицы и поговорки, загадки. Участвует в экспедициях, где собирает много языкового и этнографического материала.
В 1969 году Гаврил Аркадиевич поступает в аспирантуру Института языкознания Академии наук СССР. Много лет он проработал заведующим кафедрой русского языка в Бельцах.
Гаврил Гайдаржи очень любил родной язык. С малых лет, услышав в речи взрослых, интересный рассказ или красивую пословицу на гагаузском языке, записывал ее в отдельную тетрадь. Он много трудился, чтобы гагаузский язык развивался, много сил приложил, чтобы в свет вышли словари, учебники и методические пособия по гагаузскому языку и на гагаузском языке. Являясь автором научных статей, в которых раскрыты проблемы гагаузского языка, он стал автором двух монографий: «Гагаузский синтаксис. Придаточные предложения союзного подчинения» и «Гагаузский синтаксис. Относительное и бессоюзное подчинение придаточных».
Гаврил Аркадиевич любил жизнь, рассказывал о ней в каждом своем произведении, верил в вечную жизнь на Земле. Вклад этого человека в дело сохранения нематериального культурного наследия гагаузского народа и развитие современного гагаузского языка и литературы по достоинству оценен потомками. Память о нем чтят. Он удостоен звания «Почетный гражданин Гагаузии». Один из теоретических лицеев столицы автономии носит его имя. На Аллее Славы в г. Комрате известному ученому, исследователю, литератору и выдающемуся человеку установлен памятный бюст. В память о его трудах и заслугах Научно-исследовательский Центр им. М.В. Маруневич издал 2 тома в серии книг «Гагаузоведение XIX-XXI вв.» в котором описана биография, жизненный и творческий путь ученого и опубликованы фрагменты работ и документов, не публиковавшихся ранее.
Сегодня сыну гагаузского народа – Гавриилу Аркадиевичу Гайдаржи, исполнилось бы восемьдесят четыре года.