Stepan Stepanoviç Kuroglo – bilimci, aaraştırıcı, prozaik, gagauzolog, gagauz halkının anılmış oolu/Степан Степанович Курогло - ученый, исследователь, прозаик, гагаузовед, выдающийся сын гагаузского народа

Yanvarın 9-da 1940 yılda Odesa bölgenin Bolgrad dolayın Dmitrovka küüyündä duudu bilimci, gagauzolog, XX asirin sonunda gagauz halkının kultura dirilmesinin görümnü temsilcisi, gagauz halkının kendini belirlemäk hakları için savaşımcı, kendi halkının anılmış oolu – Stepan Stepanoviç Kuroglo.
Yaşamanın büük payını Stepan Stepanoviç verdi kendi halkının kultura mirasının üürenmesinä hem halkın gelecää için savaşıma. Bilimci hem aaraştırıcı gibi oldu avtor 80 zeedä bilim işinä gagauzların gagauzologiya, istoriya, etnologiya hem folklor, kultura hem onomastika uurunda. Bulunarak temeldä Moldova Sovet Birlii Bilim akademiyasının gagauuzologiya bölümün kurulmasında, Stepan Stepanoviç 10 yıl (1987 yıldan başlayarak) onun başı oldu.
S.Kuroglo anılmış Moldova istoriklerinnän-aaraştırıcılarınnan barabar – M.Maruneviç, M.F. Filimonova, İ Dron, bir sıra bilim işini yazdı. İstorik hem gagauzolog olarak kendi bilim-aaraştırma işindä Stepan Stepanoviç işbirliini götürdü Sovet Birlii anılmış türkologlarınnan, angısının arasında bölä adlar, nicä Pokrovskaya L.A., Guboglo M.N. h.b.

Stepan Kuroglo biliner nicä poet tä. Onun yaratmaları tiparlandılar D.Tanasoglunun, G.Gaydarcının, P.Çebotarın, O.Radovanın h.b. kiyatlarında. S.S. Kuroglo, nicä millet poeti, kendi zaameti için kabletti “M.Eminesku medalisini” hem devlet ödülünü “Ordinul de onoare”.
Kendi halkının gerçek oolu, hem çok taraflı kişi olarak, Stepan Stepanoviç yoktu nicä kalsın bir tarafta o olaylardan, angıları başladılar XX asirin 80-inci yılların sonunda sovet sorası bütün alayda da baalıydılar Sovet Birliinä girän halkların millet dirilmäk proţeslerinnän. 80-inci yılların ortasında S.S. Kuroglo aktiv pay alȇr Moldaviyanın cümnä-politika işindä. Bu yıllarda, başka anılmış kultura zaametçilerinnän barabar, o “Gagauz Halkı” akıntısı kurulmanın başındaydı, Moldova Parlamentin deputatı seçildi. 1990-1994 yıllarda pay aldı millet kultura uurunda türlü kanon proektlerin hazılamasında, hem dä “Gagauziya (Gagauz Eri) özel hak statusu için” kanon proektin hazırlamasında hem kanonun kabletmesindä. Gagauz Respublikasının hem Gagauziya ATB-nin kurulmasının başında bulunan başka anılmış insannarlan – M.V. Maruneviç, S.M. Topal, M.V. Kendigelän h.b., barabar katıldı Evropa Nasaatın işinä.
İyünün 23-dä 2011 yılında etmiş birinci yaşında S.S. Kuroglo geçindi.
Bu adam çok yaptı hem yapȇr da (bakmayarak ona, ani geçindi) Gagauziyanın kurulması için, gagauz halkın istoriyasının hem kultura mirasının üürenilmesi hem ilerlemesi için. Stepan Stepanoviç kendi aaraştırmalarını braktı gelän evlad boylarına. Kanıt buna – arhiv, angısını bilimci, aaraştırıcı, gagauzolog yaratıcı hem verimni zaamet yıllarında topladı, hem angısını 2013 yılda S.S. Kuroglo aylesi verdi Gagauziya Bilim-aaraştırma merkezinin bilim bibliotekasına. İyünün 17-sindä 2013 yılda Gagauziuya BAM bilim bibliotekanın kiyat fonduna geldi: bilim literaturası - 2548 ekz., artistik literaturası – 520 ekz., S.S. Kuroglo arhivi – 499 ekz., sözlüklär – 34 ekz. Toplam 3567 ekzemplär.
Gagauziya BAM S.S. Kuroglo bilim bibliotekanın arhivindä bulunan materiallarda var pek önemni informaţiya, ki geçirmää aaraştırmaları zamandaş gagauzologiyanın may hepsi uurlarında. Bu arhivdä var informaţiya gagauzların istoriyası hem kulturası için, angısı parça-parça toplanıldı, korundu da etişti bizä evelki vakıtlardan.
Bu adamı sayȇrlar hem unutmȇȇrlar. Onun adını taşıyȇr Komrat gimnaziyası №2.
Gagauziya M.V. Maruneviç adına Bilim-aaraştırma merkezi büün dä ilerleder Stepan Stepanoviç Kuroglunun çeketmelerini. 2021 yılda Gagauziya BAM adınnan tiparlanacek bilim işi “Halk sedefleri”, nereyi girecek Stepan Kurogluylan bilim hem ekspediţiya zaametindä toplanılmış folklor hem bilim materialları. Onnarın büük payı tiparlanȇr seftä. Bu kiyadın çıkması olacek büük bir olay regional bilim-kultura cümnesinä deyni da yardım edecek ilerletmää zamandaş gagauzologiyayı.

9 января 1940 года в селе Дмитровка, Болградского района Одесской области появился на свет будущий ученый, гагаузовед, видный представитель культурного возрождения гагаузского народа конца ХХ века, выдающийся борец за права гагаузского народа на свое самоопределение, достойный сын своего народа – Степан Степанович Курогло.
Основную часть жизни Степан Степанович посвятил изучению культурного наследия своего народа и борьбе за его будущее. Как ученый и исследователь он стал автором более 80 научных работ в области гагаузоведения, истории, этнологии и фольклора, культуры, ономастики гагаузов. Стоя у истоков создания Отдела гагаузоведения АН МССР, Степан Степанович на протяжении почти 10 лет (начиная с 1987г.) возглавлял его работу.
Целый ряд серьёзных научных работ С. Курогло издал в соавторстве с выдающимися историками-исследователями Молдовы - М. Маруневич, М. Ф. Филимоновой, И. Дроном. В процессе своей научно-исследовательской деятельности в качестве историка и гагаузоведа Степан Степанович сотрудничал с рядом выдающихся тюркологов СССР, среди которых важно отметить такие имена, как Покровская Л. А., Губогло М. Н. и др.
Степан Кургло известен и как поэт. Его творчество нашло отражение в публикациях Д. Танасоглу, Г. Гайдаржи, П. Чеботаря, О. Радовой и др…. Заслуги С. С. Курогло, как национального поэта были отмечены «Медалью М. Еминеску» и правительственной наградой «Ordinul de onoare».
Являясь истинным сыном своего народа, и многогранной личностью, Степан Степанович не мог остаться в стороне от событий, развернувшихся в конце 80-х годов ХХв. на всем постсоветском пространстве и связанных с процессами национального возрождения народов, населявших территорию бывшего СССР. Уже с середины 80-х годов С.С.Курогло активно участвует в общественно-политической деятельности Молдавии. В эти годы он, совместно с другими выдающимися деятелями культуры, стоял у истоков создания «Гагауз Халкы», был избран депутатом парламента Молдовы. В 1990-1994 гг., участвовал в подготовке различных законопроектов в области национальной культуры, а так же в подготовке и принятии закона «Об особом правовом статусе Гагаузии (Гагауз Ери)». Наряду с другими выдающимися людьми, стоявшими у истоков образования Гагаузской Республики и АТО Гагаузии – М. В. Маруневич, С. М. Топал, М. В. Кендигелян, и др., принимал участие в работе Совета Европы.
С. С. Курогло ушел из жизни 23 июня 2011 года на семьдесят первом году жизни.
Этот человек многое сделал и продолжает делать (несмотря на то, что его уже нет среди нас) для становления Гагаузии, изучения и развития истории гагаузского народа и его культурного наследия. Степан Степанович передал эстафету своих начинаний будущим поколениям. Подтверждение тому – архив, собранный ученым, исследователем, гагаузоведом за годы его творческих поисков и плодотворной деятельности, переданный в 2013 году в книжный фонд научной библиотеки НИЦ Гагаузии семьей С. С. Курогло. 17 июня 2013 года в книжный фонд научной библиотеки НИЦ Гагаузии поступило от семьи С. С. Курогло: научной литературы - 2548 экз., художественной – 520 экз., архив Курогло С.С. – 499 экз., словари – 34 экз. Всего 3567 экземпляров.
Материалы личного архива С. С. Курогло архивного фонда научной библиотеки НИЦ Гагаузии содержат ценнейшую информацию для исследований практически по всем основным направления современного гагаузоведения. Данный архив содержит в себе информацию о целом пласте гагаузской истории и культуры гагаузов, дошедших до нас из глубокой древности, собранной по крупицам и сохраненной выдающимся представителем своего времени и современниками, и ждущей творческого участия достойных потомков.
Память об этом человеке чтят и помнят. Его имя носит Комратская городская гимназия №2.
Научно-исследовательский центр им. Марии Маруневич продолжает сегодня начинания Степана Степановича Курогло. В 2021 году под эгидой НИЦ Гагаузии будет издан научный труд «Народные жемчужины», который включит в себя фольклорные и научные материалы, собранные Степаном Курогло за годы научной и экспедиционной деятельности, значительная часть которых публикуется впервые. Данное издание станет знаковым событием для научно-культурного регионального сообщества и послужит импульсом для дальнейшего развития современного гагаузоведения.