O olaceydı 82 yaşında... / Ей исполнилось бы 82 года…

Oktäbrinin 25-dä 1937 yılda Komrat küüyünda duudu gagauz politika hem cümnä zaametçisi, bilimci-istorik, Gagauziya bilim aaraştırmalar merkezinin kurucusu Mariya Vasilyevna Maruneviç (Vasilioglo).
Mariya Vasilyevna Gagauz avtonomiyası için hem gagauz halkı için çok iş yaptı. O Gagauz Respublikasının hem Gagauz avtonomiyanın kurulmak temelindä durdu, gagauz halkının millet-kultura dirilmäk proţeslerindä aktiv pay aldı, hep düşünärdi kendi millet bilim merkezini hem Gagauziyada millet universitetini kurmaa.
Yazık, ani Mariya Vasilyevnanın hepsi düşünmekleri o yaşarkan başa çıkamadı. Ama, onun tarafçıları, gagauz millet dirilmäk hem üürenmäk bayraanı alıp, onnarı gerçekleştirerlär. Büün tiparlandı çok kiyat gagauzlar için hem gagauz dilindä, aktiv yayınnanȇr gagauz istoriyası, kulturası hem adetleri için informaţiya. Hem dä bu proţeslär üüsek tempta geçerlär.

Mariya Vasilyevnanın hepsi ii işlerini unutmamak için şükürlü evladboyları tarafından yapıldı: Gagauziya Bilim-aaraştırma merkezi onun adını taşıyȇr, Mariya Vasilyevnanın büstu Şan Aleyasında koyulu, her yıl Devlet Universiteti hem Gagauziya Bilim-aaraştırma merkezi bilim-praktika konferenţiyalarını hem tombarlak masaları geçirer, angıları baalı Mariya Vasilyevna Marunevicin cümnä hem bilim zaametinnän.


25 октября 1937 года в селении Комрат появилась на свет гагаузский политический и общественный деятель, ученый-историк, основатель Центра научных исследований Гагаузии – Мария Васильевна Маруневич (Василиогло).
На счету Марии Васильевны немало заслуг перед гагаузским народом и Гагаузской автономией. Она стояла у истоков Гагаузской Республики и Гагаузской автономии, принимала активное участие в процессах национально-культурного возрождения гагаузского народа, лелеяла мечту о создании своего национального научного центра и национального университета в Гагаузии.
Не всем мечтам Марии Васильевны суждено было реализоваться при жизни. Однако, они продолжают реализовываться поколением энтузиастов подхвативших знамя гагаузского национального возрождения и просвещения. Сегодня издано немало книг о гагаузах и на гагаузском языке, активно популяризируется гагаузская история, культура и традиции. И эти процессы набирают темп.
В знак признательности заслуг Марии Васильевны со стороны благодарных потомков: в ее честь назван Научно-исследовательский центр Гагаузии, на Аллее славы установлен памятный бюст Марии Васильевны, Госуниверситет и НИЦ Гагаузии ежегодно проводят научно-практические конференции и круглые столы, посвященные общественной и научной деятельности Марии Васильевны Маруневич.